Odamiylik haqida

Vaqt,  mehnat,  halollik, bilim, o'zni qo'lga ola bilish, kishining jismoniy, aqliy va ahloqiy qudrati – har qanday boylikning sababchisi mana shulardir.

Inson qanday bo'lishi haqida qachongacha jar solish mumkin, inson bo'lish vaqti ham kelgandir?!

Bir o'zing holi qolganda ham badxoh ishga qo'l urma, yomon so'z aytma. Boshqalarga qaraganda  o'z-o'zingdan ko'proq istihola qilishni o'rgan.

Avvalo yaxshi ahloqni, keyin donishmandlikni o'rgan, chunki ahloqli bo'lmay turib, donishmand bo'lish amri mahol.

Ahloqiylik deganda biz faqat tashqi muomalani ko'zda tutmaymiz, balki niyatning butun ichki mohiyatini tushunamiz.

Do'stlik haqida

Do'stlik bebahogina emas, go'zallik hamdir: biz do'stlarni ardoqlagan kishini sharaflaymiz, ko'p dustga ega bo'lish allaqanday ajib narsadek tuyuladi, ba'zilar esa hatto yaxshi odam do'stni mutlaqo bir-biridan ajratmaydilar.

Kimki dunyoda o'z do'stlari borligini bilmas ekan, dunyo ham uni bilishi shart emas.

Butun hayot davomida donishmandlik baxsh etadigan muhim baxtiyorlik do'st qalbini topa bilishdir.

Agar taqdir odamga saxovat ko'rsatib,  dunyodagi eng buyuk baxtni tortiq qilmoqchi bo'lsa, unga sadoqatli do'stlar in'om etadi.

Biz bilan birgalashib hech kim quvonmasa, baxtimiz ham naqadar o'z jozibasini yo'qotgan bo'lardi! Biz uchun bizdan ortiqroq qayg'uruvchi do'stimiz bo'lmaganda, kulfatlarga chidashimiz ham qanchalar og'ir bo'lardi.

Sadoqat do'stlik vasiyatidir, u insonga berilishi mumkin bo'lgan eng qimmatbaho tortiq.

Yoshlikda tug'ilgan do'slik ajralmas va lazzatlidir, u hech qachon o'lmaydi.

Muhabbat haqida

Sevgi inson qalbidagi hayotbaxsh o'tdirki, shu tuyg'u tufayli odam yaratgan barcha narsalar hayot va nafosat bilan yo'g'rilgandir.

 Sevgi manman yuraklarni ham bo'ysundiradi, dimog'dorlarni shafqatga o'rgatadi, ammo uning asosiy xususiyati – nimaiki bor, barini nafosatga o'rab, yuksaklarga ko'taradi.

Muhabbat shu qadar qudratliki, u bizning o'zimizni ham qaytadan yaratadi.

Sevgi hayotning buyuk bezagidir. U tabiatni gullab-yashnashga, jilolanishga, ajib qo'shiqlar kuylashga, binoyi raqs tushishga majbur etadi.

Sevgi ko'pincha aqlli kishilarni aqldan ozdiradi va aqlsizlarga aql beradi.

Bo'lmasa ishq, ikki jahon bo'lmasun,

Ikki jahon demaki jon bo'lmasun.

Ishqsiz ul tanki, aning joni yo'q,

Husnni netsun kishikim oni yo'q.

Sevgi – ummon uzra porlagan mayoq,

Zulmatu tumanda aslo o'chmaydi.

Sevgi – yorqin yulduz, unga qaramoq -

Dengizchi bexato yo'lin o'lchaydi.

Sevgi - ajib bir gul, ammo tubsiz jar yoqasida o'sgan bu gulga yaqin bormoq va uzmoq uchun jasorat kerak.

Sevgi o'limni yo'q qiladi va uni quruq sharpaga aylantiradi, u ma'nosiz hayotga ma'no bag'ishlaydi, baxtsizlikni baxtga aylantiradi.